Արցախի նախագահ Արայիկ Հարությունյանի հրամանագրով Մասիս Մայիլյանը նշանակվել է հատուկ հանձնարարություններով դեսպան։

Այս մասին հայտնում են Արցախի Հանրապետության նախագահի աշխատակազմի Տեղեկատվության գլխավոր վարչությունից:

«Արցախի Հանրապետության նախագահ Արայիկ Հարությունյանը հունվարի 4-ին ստորագրել է հրամանագիր Մասիս Մայիլյանին հատուկ հանձնարարություններով դեսպան նշանակելու մասին»,-ասված է հաղորդագրության տեքստում:

Հիշեցնենք, որ այսօր Արցախի Հանրապետության նախագահի հրամանով Մասիս Մայիլյանն ազատվել էր ԱՀ ԱԳ նախարարի պաշտոնից: