ԱՄՆ առևտրի նախարարի՝ անվտանգության հարցերով օգնականի տեղակալ Ջոն Կոստելյոն հրաժարական է ներկայացրել Կապիտոլիումի շենքի գրոհից և նախագահ Թրամփի՝ ցուցարարներին ուղղված հայտարարությունից հետո:

Ինչպես փոխանցում է CNN-ը՝ հղում անելով նախագահական վարչակազմի բաձրաստիճան պաշտոնյային, Կոստելյոյի հրաժարականը գուցե վերջինը չլինի: Պաշտոնյաների հրաժարականի պատճառ է դարձել նախօրեին տեղի ունեցած ցույցերը վերահսկելու հարցում Թրամփի անհաջողությունը:

Ավելի վաղ մի քանի պաշտոնյաներ ևս դիմում են ներկայացրել պաշտոնից հրաժարվելու մասին: Fox News-ի տվյալներով՝ նրանց թվում են ԱՄՆ առաջին տիկնոջ աշխատակազմի ղեկավար, Սպիտակ տան նախկին խոսնակ Ստեֆանի Գրիշեմը, Սպիտակ տան փոխխոսնակ Սառա Մեթյուսը, արձանագրությունների հարցերով քարտուղար Ռիկի Նիչետան և նախագահի ազգային անվտանգության հարցերով խորհրդականի տեղակալ Մեթ Փոթինջերը: