«Զինվորներին ստիպում են քաղաքացիական հագուստ հագնել ու անցնել սահմանը». զինվորի մայր
«Վարչապետի օգնական Նաիրի Սարգսյանը մեզ ասել ա՝ մենք արդեն 30 տարի է՝ գիտենք, որ դա Ադրբեջանի հող ա: Պարո՛ն, եկեք ինձ հերքեք, որ նման բան չեք ասել, իմ հետ վկաներ կան: Այսինքն՝ դուք մեր էրեխեքին, ՀՀ քաղաքացիներին հիմա տանում եք Ադրբեջա՞ն, տե՞նց ա դուրս գալիս»,- Վազգեն Սարգսյանի անվան ռազմական ինստիտուտում ընթացող բողոքի ակցիայի ժամանակ հայտարարեց ժամկետային զինծառայողների ծնողներից մեկը:
Ինչպես արդեն հայտնել էինք՝ ծնողները հայտարարում են, որ իրենց զավակներին տանում են Արցախ՝ առանց երաշխավորելու նրանց անվտանգությունը, ուստի նրանք էլ թույլ չեն տալիս, որ որդիներին տեղափոխեն Արցախ:
«Երեխաներին ստիպում են փոխել զինվորական համազգեստը, հագնել քաղաքացիական հագուստ և անցնել սահմանը: Այսինքն՝ ինչ կարգի վտանգված ա էդ էրեխեքի կյանքը, որ նման գործողությունների են դիմում: Էրեխեքն են զանգում ասում՝ իրենց ստիպում են քաղաքացիական շորեր հագնել»,- ասաց զինվորի մայրը:
