Մադրիդի «Ռեալի» գլխավոր մարզիչ Զինեդին Զիդանն անդրադարձել է թիմի պաշտպան և ավագ Սերխիո Ռամոսի ապագայի թեմային:

Իսպանիայի հավաքականի ֆուտբոլիստի գործող պայմանագրի ժամկետը երկրի չեմպիոնի հետ լրանալու է այս տարվա ամռանը, ինչը թույլ է տալիս այսուհետև ազատորեն բանակցություններ վարել այլ ակումբների հետ:

«Ես չգիտեմ՝ ինչ տեղի կունենա: Ռամոսը ներկա պահին այստեղ է: Կենտրոնացած ենք վաղվա խաղի վրա: Ֆուտբոլում երբեք չգիտես՝ ինչ և ինչպես կլինի: Ցանկանում ենք, որ ամեն ինչ հարթվի: Դա վերաբերում է նաև Լուկաս Վասկեսին:  Դուք ինձ անընդհատ կհարցնեք այդ թեմաների մասին, թեև գիտեք՝ ինչ եմ պատասխանելու»,- Զիդանի խոսքերը մեջբերում է Marca-ն:

Ավելի վաղ տեղեկություն էր տարածվել, որ  Ռամոսը պատրաստ է դիտարկել այլ ակումբներից ստացված առաջարկները: