Այսօր ընդդիմադիր մի խումբ գործիչներ հավաքվել էին Արդարադատության նախարարության առջև՝ պահանջելով ներկայացնել հունվարի 11-ին Մոսկվայում ստորագրվելիք փաստաթուղթը: Այն, որ նման փաստաթուղթ գոյություն ունի, այս մասին տեղեկություններ ստացել էին տելեգրամյան ալիքներից, հայտնել են հավաքվածները:

Նրանք նշել են, որ իրենց չեն բավարարել մինչ այդ եղած հերքումները: Որոշ ժամանակ անց նախարարությունից դուրս է եկել Արդարադատության նախարարն ու վերահաստատել իր պնդումը՝ նշելով, որ նման փաստաթղթի գոյության մասին խոսք չի եղել կառավարությունում: