Նիկոլի ներկայացուցիչները քննարկում են փաստաթուղթ, որով Հայաստանը պետք է հրաժարվի Ցեղասպանության միջազգային ճանաչման հարցի բարձրացումից. Միքայել Մինասյան
Սուրբ աթոռում ՀՀ նախկին դեսպան Միքայել Մինասյանը Տելեգրամյան իր ալիքում գրել է․
«Իմ տեղեկություններով՝ Նիկոլի ներկայացուցիչները բանակցում են փաստաթղթերի փաթեթի շուրջ, որը Հայաստանը պետք է ստորագրի՝ Թուրքիայի հետ սահմանը բացելու և դիվանագիտական հարաբերություններ հաստատելու դիմաց։
Փաթեթի մեջ մտնում է Հայաստանի պարտավորությունը չվարել հակաթուրքական քաղաքականություն, այդ թվում` հրաժարվել հայերի Ցեղասպանության միջազգային ճանաչման թեման առաջ մղելուց, չաջակցել սփյուռքին Ցեղասպանության ճանաչման հարցում, ստորագրել փաստաթղթեր Թուրքիայի նկատմամբ տարածքային պահանջների բացակայության ու ֆինանսական փոխհատուցումից հրաժարվելու մասին։ Զիջումների փաթեթի մեջ մտնում է նաև «հայկական հարցի» (սա բառացի մեջբերում է բանակցողների աշխատանքային փաստաթղթից, որում Ցեղասպանությունը ամոթալիորեն անվանվում է «հայկական հարց») ուսումնասիրության նպատակով պատմաբանների հանձնաժողով ստեղծելու հարցը։
Կարևոր է չմոռանալ, որ վերոնշյալ գործընթացը ընթանում է ադրբեջանական կողմին տնտեսապես նշանակալի սահմանամերձ տարածքները հանձնելու և Մեղրիով պանթուրքիստական միջանցքի ակտիվացմանը զուգահեռ»։