Հայաստանի հավաքականի ավագ Հենրիխ Մխիթարյանը համաձայնեցրել է նոր պայմանագիրը «Ռոմայի» հետ: Այս մասին իր թվիթերյան էջում գրել է լրագրող Ֆաբրիցիո Ռոմանոն:

Ըստ Ռոմանոյի տեղեկությունների՝ Մխիթարյանը համաձայնության է հասել հռոմեական ակումբի հետ և նոր պայմանագիր կստորագրի, որը կգործի մինչև 2022 թվականը:

«Նա ամռանն ազատ գործակալ չի լինի», – գրում է Ռոմանոն:

Կողմերի գործող պայմանագիրն ուժի մեջ է մինչև 2021-ի հունիսի 30-ը:

Ա սերիայի ընթացիկ առաջնությունում հայ ֆուտբոլիստը դարձել է 8 գոլի հեղինակ: