«Ջենոայի» և Ուզբեկստանի ազգային հավաքականի հարձակվող Էլդոր Շոմուրոդովը կարող է կարիերան շարունակել «Յուվենտուսում»: Ըստ Tuttosport-ի՝ թուրինյան ակումբը ցանկանում է ավելացնել հարձակվող ֆուտբոլիստների քանակը, և 25-ամյա ֆուտբոլիստին դիտարկում են որպես Ալվարո Մորատայի փոխարինող:

Շոմուրոդովն անցած տարի «Ջենոա» է տեղափոխվել ռուսական «Ռոստովից»: Տրանսֆերի արժեքը կազմել է 7,5 միլիոն եվրո: Ուզբեկ ֆուտբոլիստի պայմանագիրը ջենովական ակումբի հետ նախատեսված է մինչև 2024-ի ամառը:

Իտալիայի Ա սերիայի ընթացիկ մրցաշրջանում հարձակվողը մասնակցել է 10 հանդիպման, խփել է 2 գոլ և կատարել 1 գոլային փոխանցում: