«Ֆիլոմենա» մրրիկը ձյան հաստ շերտով է ծածկել Մադրիդը, հայտնում է Reuters-ը։ Տեղումների գերակայության տակ է նաև հարևան  Կաստիլիա Լա Մանշը:

Իսպանիայի մայրաքաղաքում առատ տեղումների պատճառով տարերային աղետի վտանգավորության ամենաբարձր աստիճան է  հայտարարվել 2007 թվականից ի վեր առաջին անգամ, երբ սկսեց օգտագործվել գնահատման այդ սանդղակը: Իսպանիայի օդերևութաբանական կայանում հայտնել են, որ գրանցել են 21-րդ դարի սկզբից ի վեր ամենաձյունառատ օրերը:

Մինչև Իսպանիա հասնելը «Ֆիլոմենա» մրրիկը Կանարյան կղզիներ էր տարել քամու կատաղի պոռթկումներ և հորդառատ անձրևներ:  Ուժեղ քամու պատճառով Գրան Կանարիայում 59 ուղևորով նավը չէր կարողացել մոտենալ ափին և խրվել է ծանծաղուտում։