Կորոնավիրուսը շարունակում է արագորեն տարածվել ամբողջ աշխարհում: Համավարակի սկզբից մինչև օրս Քովիդ-19 է հայտնաբերվել ավելի քան 89 միլիոն մարդու մոտ: Ապաքինվել է 64 միլիոն հիվանդ, մահացել՝ ավելի քան 1 միլիոն 922 հազարը: Ակտիվ վարակակիր է համարվում 23 միլիոն 420 հազար մարդ:

Մեծ Բրիտանիայում անցած օրվա ընթացքում հիվանդությունից մահացել է 1325 մարդ: Սա ռեկորդային ցուցանիշ է պանդեմիայի տարածվելուց ի վեր։ Եվ սա այն դեպքում, երբ Անգլիայի մեծ մասում գործում են ամենախիստ սահմանափակումները: Այս ֆոնին երկիրը գրանցել է Moderna ընկերության պատվաստանյութը` զանգվածային օգտագործման համար: Մեծ Բրիտանիայի իշխանություններն արդեն պատվիրել են պատվաստանյութի 17 միլիոն չափաբաժին, որոնք կներարկվեն նախկինում ընդունված երկու պատվաստանյութերի` Pfizer-BioNTech-ի և Oxford-AstraZeneca-ի հետ միասին: Այս մասին հայտնել է BBC-ն: