ԱԺ փոխխոսնակ Լենա Նազարյանն արձագանքել է իմքայլական նախկին պատգամավոր Արսեն Ջուլֆալակյանի գրառմանը:

«Ազնիվ կլիներ, եթե, քո պես մանդատից հրաժարվեին։ Իսկ այսպես... մարդիկ տեղը տեղին անվանում են իրենց արածը»,-գրել է նա:

«Տիկին Նազարյան ոչ մի գրառման չեմ արձագանքել, բայց ձեզ հարց եմ ուզում տալ: Չվիրավորվեցի՞ք, երբ ձեզ և մյուսներիս համեմատեցին Նիկոլի պայուսակի հետ: Կխնդրեմ ազնիվ պատասխանել, թե ինչպես եք զգում այդ դերում»,-պատասխանել է Սոֆյա Հովսեփյանը, ով երեկ հայտարարեց խմբակցությունից հեռանալու, սակայն մանդատը պահպանելու մասին:

«Վա՞յ։ Խոսող ուսապարկ»,-իր հերթին գրել է Ռուբեն Մելիքյանը՝ արձագանքելով Նազարյանի գրառմանը:

Նազարյանին մեծ թվով օգտատերեր են պատասխանել, սակայն նա որևէ կերպ չի արձագանքել: