Նիկոլ Փաշինյանն իշխանության եկավ շանտաժով, շանտաժով վարեց արտաքին ու ներքին քաղաքականությունները, հիմա էլ շանտաժով պահում է իր թիմը: Նիկոլ Փաշինյանը լավ տեսնում է, որ իր թիմը պայթելու եզրին է: Այդ թիմում, չնայած կան անասուններ, վիժվածքներ, դավաճաններ, կան նաև մի քիչ նորմալ մարդիկ: Այդ մարդիկ հասկանում են, թե ինչ է կատարվում: Այս մասին ֆեյսբուքյան ուղիղ եթերում հայտարարեց Միքայել Մինասյանը՝ հավելելով, որ այդ մարդիկ չեն ուզում Նիկոլ Փաշինյանի հետ շարունակել գնալ դեպի գերեզման, անդունդ:

«Բայց Նիկոլ Փաշինյանը նրանց պահում է, որովհետև բոլորի վրա շանտաժային նյութեր ունի: Երբ նա դարձավ վարչապետ, առաջին բանը որ արեց, պահանջեց այն մարդկանց դոսյեները, ովքեր ԱԱԾ-ի ագենտներ էին և որոնց հետ ինքն առնչվում էր: Այլ բառերով, նա պահանջեց ԱԱԾ-ից ասել, թե ովքեր են իր շրջապատում ագենտներ:

ԱԱԾ-ի ղեկավարությունը հրաժարվեց և մինչև այսօր չի տվել: Բայց ԱԱԾ-ում կային ու կան թուլամորթ մարդիկ, միջին օղակի սպաներ, ովքեր Նիկոլ Փաշինյանին փոխանցել են այդ ողջ փաթեթները:

Փաշինյանը կանչել է այդ մարդկանց ու ասել, որ ամեն ինչ գիտի, կամ պետք է ծառայեն իրեն՝ մոռանալով հայրենիքի, արժանապատվության մասին: Այդպիսի մարդիկ կան:

Այս ընթացքում Նիկոլ Փաշինյանը հավաքեց մի մեծ կոլեկցիա, իմքայլականները մինչև կոկորդ մխրճվեցին կոռուպցիայի մեջ, իսկ Նիկոլ Փաշինյանը հավաքում էր ինֆորմացիան:

Այդպես, կան բազմաթիվ քրեական գործեր, որոնք կամ ընթացքում են, կամ նյութերն են նախապատրաստված, կամ փաստերը կան»,-ասաց նա: