ԱՄՆ մայրաքաղաք Վաշինգտոնում Կապիտոլիումի շենքի գրոհի օրը՝ հունվարի 6-ին, ոստիկանությունը պիկապ է հայտնաբերել։ Մեքենայի սրահում եղել է 11 ինքնաշեն ռումբ և հրազեն։ Այս մասին հայտնել է NBC-2 հեռուստաալիքը։

Ավտոսեփականատերը 70-ամյա Լոնի Լերոյ Քոֆմանն է։ Իրավապահները նրան մեղադրանք են առաջադրել չգրանցված հրազեն պահելու և առանց թույլտվության ատրճանակ կրելու համար։

Հոֆմանը պնդում է, որ իր տրանսպորտային միջոցում եղել են միայն հալված փրփրապոլիստիրոլով և բենդզինով անոթներ: Սակայն, դատախազության ներկայացուցչի խոսքով, պիկապում հայտնաբերել են գործվածքի կտորներ և պայթուցիչներ։ Դրանց խառնուրդը պայթյունի դեպքում գործում է նապալմի սկզբունքով։

Հիշեցնենք, որ հունվարի 6-ին ԱՄՆ-ի գործող նախագահ Դոնալդ Թրամփի օգտին կայացած հանրահավաքում նրա կողմնակիցները գրոհել էին ԱՄՆ-ի Կոնգրեսի շենքը: Նրանք ընդհատել են նիստը, որտեղ հաստատվել են անցած ընտրությունների արդյունքները։ Քաղաքում պարետային ժամ էր սահմանվել։