Պատերազմում արձանագրված խայտառակ պարտությունից հետո իշխանությունները առավել անկաշկանդ են հանում դիմակները և հանրությանը ներկայանում իրենց իրական դեմքերով։

Այս տարիներին բազմաթիվ անգամներ գրվել է, որ Փաշինյանի համար իր թիմի պատգամավորները գրոշի արժեք չունեն և որ հնարավոր բոլոր առիթների դեպքում նա հիշեցնում է նրանց ոչինչ լինելը։ Մինչ պատերազմը՝ իշխանություններն այդ հրապարակումները շահարկումներ էին անվանել, իսկ հիմա իրենք են նախկին թիմակիցներին ներկայացնում, որպես ոչինչ։

Երեկ իշխանական պատգամավոր Սոֆիա Հովսեփյանը տեղեկացրել էր, որ դուրս է գալիս «Իմ քայլը» խմբակցությունից․ «Սիրելի՛ հայրենակիցներ որոշում եմ կայացրել դուրս գալ իմ «Իմ քայլը» խմբակցությունից և այսուհետ գործելու եմ որպես անկախ պատգամավոր : 

Որոշումը կայացրել եմ երկար մտածելուց հետո»,-գրել էր Հովսեփյանը։

Սրան ի պատասխան՝ ՔՊ մամուլի խոսնակ Վահագն Ալեքսանյանը գրել էր, որ եթե ընտրություններին մասնակցեր «Նիկոլի ուսապարկը», ապա այն Սոֆիա Հովսեփյանից ավել ձայն  կհավաքեր։ 

Ու եթե հաշվի առնենք, որ սա ՔՊ-ի մամուլի խոսնակն է հայտարարել, ապա կարելի է վստահորեն ասել, որ սա Նիկոլ Փաշինյանի մեսիջն է իր թիմակիցներին, որպեսզի չփորձեն խաղեր տալ։

Ահա այն արժեհամակարգը, որը կրում են այսօրվա իշխանությունները։ Ու այստեղ հետաքրքիր է իմքայլական մնացյալ պատգամավորների լռությունը, ըստ էության նրանք ընդունում են, որ իրենք «Նիկոլի ուսապարկ» են ու գիտակցաբար լռում են, որպեսզի չզրկվեն իշխանական կերակրատաշտից։

Հետաքրքիր է, որ Վահագն Ալեքսանյանի ասած «ճշմարտությունը» ՀՀԿ-ական Արմեն Աշոտյանը դեռևս 2018 թվականին էր ասել։ նա մասնավորապես հայտարարել էր․ «Եթե 1-ին տեղում լինի Նիկոլի ուսապարկը, 2-ում՝ կեպկեն, 3-ում՝ հազը, մեկ ա՝ 80% եք հավաքելու».,-ասել էր Աշոտյանը։