Սոֆյա Հովսեփյանը լրագրողների հետ զրույցում կարծիք է հայտնել, որ մինչև խորհրդարանական ընտրությունները պետք է նեյտրալ կառավարում կազմակերպել, բնականաբար, առանց Նիկոլ Փաշինյանի ղեկավարման. «Բնականաբար Ազգային ժողովը պետք է ընտրի այդ անձին»:

Հովսեփյանը հաստատեց նաև այն տեղեկությունները, որ «Իմ քայլում» վարչապետի փոփոխության հարց է քննարկվել. «Սկզբնական շրջանում առաջարկեցինք, որ «Իմ քայլի» ներսից լինի ընտրություն»:

Հովսեփյանն ասաց, որ ինքը կոնկրետ առաջարկություն արել է խմբակցության ներսում, սակայն անուններ չի կարող ասել. «Այդ պահին թեկնածուների անուններ գեներացվել են, խոսվել է այդ պահին: Որոշում չի կայացվել, քանի որ քաղաքական թիմը որոշում է կայացրել, որ նպատակահարմար չի գտնում այս պահին որևէ կերպ փոխելու ղեկավարին»:

«Իմ քայլը» լքած պատգամավորը կարծում է՝ եթե մենք ուզում ենք կրկին արդար, անկաշկանդ ընտրություններ կատարել, որևէ կասկածի տեղ չթողնել, պետք է այս պահին ժամանակոր կառավարում ձևավորվի. «Ես այդ մասին հարցը բարձրացրեցի կառավարության անդամների փոփոխության հետ կապված, ԱԺ-ում, որը նախապայմանն էր, առաջարկն էր, որը մասամբ կատարվեց:

Հովսեփյանի խոսքերով, ինքն ամենևին չի բացառում, որ Նիկոլ Փաշինյավի ղեկավարած ուժը կրկին կհաղթնի ընտրություններում, սակայն նշում է, որ պատերազմից հետո ժողովրդի մոտեցումներն այլ են:

Հարցին՝ Արարատ Միրզոյանի անունը շրջանառվել է արդյո՞ք որպես վարչապետի թեկնածու, պատգամավորը ոչ հերքեց ոչ էլ հաստատեց, սակայն ասաց, որ խմբակցությունում կան այլ մարդիկ, ովքեր կողմնակից են ժամանակավոր կառավարմանը, սակայն ինքը թվեր կամ անուններ չի ասի։