Այսօր Կրեմլում Նիկոլ Փաշինյանի ու Իլհամ Ալիևի հետ հանդիպմանը Վլադիմիր Պուտինը հիշեցրել է այն մասին, թե ինչպես է պատրաստվել հայտնի եռակողմ հայտարարություն. «Մենք ձեզ հետ գտնվել ենք մշտական կապի մեջ, միասին փնտրել ենք փոխզիջումներ:

Հենց մեր ընդհանուր ջանքերի արդյունքում համաձայնեցվեց նոյեմբերի 9-ի եռակողմ հայտարարությունը, որը ստորագրեցինք»,-ասել է նա՝ հիշեցնելով ինտենսիվ բանակցությունների մասին, որոնք ընթացել են նաև գիշերային հեռախոսային զրույցների ժամանակ:

Պուտինն ընդգծել է, որ Ռուսաստանը միշտ իր գործողություններում ձգտել է հետևել այն մշակումներին, որոնք ձեռք են բերվել ԵԱՀԿ Մինսկի խմբի կողմից. «Մենք շարունակում ենք գործընկերների հետ պարբերաբար խոսել մեր գործողությունների մասին»: