Հայաստանի ու Ադրբեջանի ԱԱԾ ղեկավարները հունվարի 10-ին կայացած հանդիպման ժամանակ քննարկել են հարցեր, որոնք վերաբերում են սահմանին տեղի ունեցած միջադեպերի համատեղ քննությանն ու գերիների փոխանակմանը: Այս մասին հայտնում է ՏԱՍՍ-ը՝ հղում անելով Ադրբեջանի Պետական անվտանգության ծառայությանը:

Նշվում է, որ կողմերը հանդիպել են Որոտան ու Շուռնուխ բնակավայրերում: Հանդիպմանը մասնակցել են նաև Ադրբեջանի Պետական սահմանի պահպանության ծառության ղեկավարն ու Հայաստանից նրա գործընկերը:

Քննարկվել է նաև Արցախում ու Արցախի օկուպացված շրջաններում անվտանգության հարցը, ինչպես նաև մարտական գործողությունների գոտիներում մարմինների գտնվելու վայրին ու գերիների փոխանակման վերաբերյալ հարցեր:

Կողմերը խոսել են նաև անհետ կորածների մասին:

Ադրբեջանական կողմը նաև հաստատել է, որ հունվարի 8-ին ևս հանդիպում է եղել: