Այսօր մամուլի ասուլիսի ժամանակ ՀՀ ՄԻՊ Արման Թաթոյանը հայտարարեց, որ ադրբեջանցիները սահմանին անընդհատ սադրանքների են դիմում խաղաղ բնակիչների նկատմամբ:

Լրագրողներից մեկը, խոսքը մասնավորապես վերաբերում է Հանրային հեռուստաընկերության լրագրողին, ցանկացավ ճշգրտում մտցնել. «Դուք ասացիք, որ անընդհատ կանգնում են զենքով, կամ դիտարկում են իրականացնում։ Միայն դրա՞նք են սադրանքներ»:

«Բա դա բավարար չէ: Եթե կին ու երեխա են անցնում իրենց պապիկի հետ, տեսնում են, որ ադրբեջանցի զինվորականներով զենքով կանգնած են: Դա Ձեզ համարա բավարա՞ր չէ սադրանք համարելու համար: Ինձ համար բավարար է անգամ «Բարի գալուստ» գրառումով ցուցանակը, որտեղ նաև Հայաստանի մասերը ներկայացրել են Ադրբեջանի մաս: Ընդ որում խմբերով են հայտնվում, զենքի ցուցադրմամբ: Դա սադրանք չէ՞»,-ասաց Թաթոյանը՝ հիշեցնելով նաև գերիների մասին, որոնց Ադրբեջանը հրաժարվում է վերադարձնել։

«Դրանք ուղիղ սադրանքներ են, պետք է ամեն ինչ անենք, որպեսզի դրանք չլինեն: Սադրանք է նաև այն, որ 7-8 տարեկան աղջիկ երեխաները խաղում են, իսկ ճանապարհի մյուս կողմում զինված ադրբեջանցիներ են: Դա իհարկե ազդում է մեր խաղաղ բնակիչների հոգեբանական վիճակի վրա»,-հավելեց նա: