Անհետ կորած զինվորներից մեկի հորը ձերբակալել են։ Գիտե՞ք ինչի համար... Հայրը մի քանի ամիս է՝ ուր ասես գնացել է, ում ասես դիմել, բայց միայն խոստումներ է լսել։ Էս մարդն անզորությունից, կատաղությունից, տղայի կարոտից, խաբվածությունից, պարզ է՝ անկայուն հոգեկան իրավիճակով մեքենան քշել է պաշտպանության նախարարության՝ փակ դռների վրա ու դռները վնասվել են։ Անհետ կորածի հորը հենց սրա համար են ձերբակալել։

Գիտե՞ք ինչն է ողբերգականը՝ նույն անհետ կորած 34 զինվորի ծնողներին դեռ 1 ամիս առաջ ասել են՝ վրիպակի հետևանքով է դեպքը եղել ու մինչ օրս չկա քրեական գործ, չկա գոնե 1 ձերբակալված։ Արդարությունն էս է։

Հիմա էդ ձերբակալված հոր ապրումները պատկերացնո՞ւմ եք, էդ մարդը խցում նստած տեսնես ի՞նչ է մտածում...

Էդ մարդն իր խղճի, մեր՝ բոլորիս առաջ ազնիվ է, գլուխը կախելու բան չունի, իսկ դուք, պարոնայք իշխանավորներ, մտածեք եթե ոչ մեր, գոնե ձեր խղճի առաջ ինչ պատասխան պիտի տաք։