Գերիներին հնարավոր էր ազատել

Հետպատերազմյան ստեղծված իրավիճակում հարկավոր էր միջազգային իրավական կառույցների ու հանրության ուշադրությունն ավելի շատ կենտրոնացնել գերիների խնդրի լուծման վրա։
Անհրաժեշտ էր 24 ժամյա սկզբունքով համագործակցել նրանց հետ, առավելագույն տեղեկություն փոխանցել ու ստանալ, ներկայացնել պատերազմի օրերին թշնամու իրականացրած վայրագությունները, որոնք տագնապի ազդանշան պետք է հանդիսանային միջազգային իրավական կառույցների համար։ Հարկավոր էր ավելի սերտ աշխատել նրանց հետ, հարկավոր էր Ժնևյան կոնվենցիայի 12, 13, 14 ու 118-րդ հոդվածներին հղում անել։ 
Ցավոք մենք ունենք կին գերիներ, քաղաքացիական անձինք, որոնք նույնպես գերեվարվել են նոյեմբերի 9-ից հետո։
Գերիների առկայության դեպքում խոսել տնտեսական ապաշրջափակման, համագործակցության կամ ցանկացած այլ ֆորմատի մասին` առնվազն տեղին չէ։
Վերոնշյալը ժամ առաջ կյանքի կոչելու պարագայում վստահ եմ, որ անմարդկային պայմաններում գտնվող մեր հայրենակիցների վերադարձի հավանականությունը կբարձրանա։
 

Վահե Էնֆիաջյան