«Twitter» սոցիալական ցանցն արգելափակել է կորոնավիրուսի դեմ ռուսական «Спутник V» պատվաստանյութի պաշտոնական էջը: Նյութը վերցրել ենք lenta.ru կայքից:

Այս քայլի պատճառներն առայժմ անհայտ են, սակայն էջ մուտք գործելիս անսովոր ակտիվության մասին ստանդարտ նախազգուշացում է արվել:

Ռուսաստանի ուղղակի ներդրումների ֆոնդը հաղորդել է, որ այդ էջի միջոցով բացահայտորեն կիսվել են պատվաստանյութի վերաբերյալ տեղեկատվությամբ և այն մասին, թե ինչպես է այն գործում: Դեռ ավելին՝ այդ էջի շնորհիվ՝ հաջողվել է համաձայնության գալ բրիտանական «AstaZeneca» ընկերության հետ՝ «Спутник V»-ի բաղադրիչի օգտագործման և համատեղ կլինիկական հետազոտություններ անցկացնելու վերաբերյալ: