«ԱՄՆ-ը պահանջում է անհապաղ ազատ արձակել Նավալնիին». Փոմփեո
ԱՄՆ-ը պահանջում է անհապաղ ազատ արձակել Ալեքսեյ Նավալնիին, ով հունվարի 17-ին ձերբակալվել էր «Շերեմետևո» օդանավակայանում, հայտարարել է ԱՄՆ պետքարտուղար Մայք Փոմփեոն:
«Միացյալ Նահանգները վճռականորեն դատապարտում է Ալեքսեյ Նավալնիին ձերբակալելու` Ռուսաստանի որոշումը։ Նրա ձերբակալությունը՝ ռուսական իշխանություններին քննադատող ընդդիմադիրներին լռեցնելու փորձերի շարքում վերջին իրադարձություններից է։ Մենք պահանջում ենք անհապաղ և առանց նախապայմանի ազատ արձակել քաղաքական գործչին»,- ասված է հայտարարության մեջ։
Կիրակի օրը՝ Գերմանիայից Ռուսաստան վերադառնալուց հետո, «Շերեմետևո» օդանավակայանում Նավալնին ձերբակալվել էր։
