Սերգեյ Լավրովը նուրբ ակնարկ է արել Արցախի մասին խոսող հայ պաշտոնյաներին
ՌԴ ԱԳ նախարար Սերգեյ Լավրովն ասել է, որ պատճառներ չի տեսնում Հայաստանի ու Արցախի պաշտոնական անձանց միջև շփումներին խոչընդոտելու համար:
«Եթե մենք համաձայն ենք, իսկ մենք բոլորս համաձայն ենք, որ կապ լինի Ղարաբաղի հայերի ու Հայաստանի հայերի միջև, ապա ես պատճառ չեմ տեսնում խոչընդոտելու այն շփումները, որոնք իրականացվում են այդ մակարդակում»,-ասել է նա:
Միևնույն ժամանակ Լավրովի խոսքերով, այն, որ հայ պաշտոնական դեմքերը քաղաքական հայտարարություններ են անում Ղարաբաղում, հավանաբար լարվածություն է առաջացնում. «Ես կարծում եմ, որ լավ կլիներ դրանից խուսափել: Մենք արդեն ականատես ենք եղել այն բանին, թե ինչպես են Ղարաբաղից կամ Ղարաբաղի թեմայով էմոցիոնալ խոսքերը դառնում նյութական ուժ: Այս դեպքում տարբեր կողմերից հնչած խոսքերը դարձան շատ բացասական նյութական ուժ»,-ասել է նա:
