Մենք չգիտենք, թե հիմա մեր թշնամիներն ինչպիսի առաջադրանք են տվել Աննա Հակոբյանին ու ինչպիսի վարժությունների մեջ է նա ներգրավված. Փոստանջյան
Աննա Հակոբյանն ու Նիկոլ Փաշինյանի ընտանիքի այլ անդամները գտնվում են պետական հատուկ պաշտպանության ներքո, նրանք նույնպես որոշ չափով պետական գաղտնիք կրողներ են: Այս պարագայում, երբ ռազմական դրությունը չի ավարտվել, իրավապահ մարմիններին ո՞վ է թույլ տվել, որպեսզի նրանք թույլ տան Աննա Հակոբյանին ուղևորվի Մոսկվա: Այս մասին մամուլի ասուլիսի ժամանակ հայտարարել է Զարուհի Փոստանջյանը՝ հավելելով, որ մենք չգիտենք, թե հիմա մեր թշնամիներն ինչպիսի առաջադրանք են տվել ու ինչպիսի վարժությունների մեջ է նա ներգրավված:
«Եթե մեր սահմանին անց են կացվելու թուրք-ադրբեջանա-պակիստանյան զորավարժությունները, որը հարձակողական է, ապա Աննա Հակոբյանն էլ այնտեղ է մասնակցում վարժանքների: Այսինքն, թշնամին մեզ վրա հարձակում է գործելու ոչ թե միայն սահմանների այն կողմից, այլ նաև պետական գաղտնիք կրող մարդկանց տանում են ու վարժանքների մասնակից դարձնում, որպեսզի գան ու նորից իրենց գործն անեն: Կամ էլ երկրորդ տարբերակը կա, որ նա փորձում է փախուստի դիմել:
Քանի որ նրանք հրապարակեցին, որ դեռ 6 ամիս պետք է մնան, ավելի շատ հակված եմ նրան, որ դեռ գործ ունեն անելու: Դեռ տեսանելի է, որ պատերազմը դեռ մեր դուռը թակում է»,-ասել է նա: