Հզոր Տղերքը .Երեք քաջեր` Գևորգ Ասլամազյան, Զավեն Շեկոյան, Յուրա Մացակյան։

Վանաձորցի այս քաջերը պատերազմի ժամանակ ցուցաբերել են բացառիկ խիզախություն և առանց մի վայրկյան մտածելու գնացել են առաջնագիծ։ Գևորգը և Յուրան միասին սովորել են նույն դպրոցում։ Ներկայումս Գևորգը և Զավենը ծառայում են հետախուզական վաշտում։

Պատերազմի ժամանակ երեքն էլ եղել են թեժ մասերում` Ջաբրայիլ, Մատաղիս և Կուբաթլու։ Գևորգը շատ անգամներ փրկվել է թշնամու գնդակից։ Թեժ մարտերի ընթացքում հակառակորդի փամփուշտը մխրճվել է նրա զենքի օպտիկայի մեջ` վնասելով աչքը։

Զավենը վիրավորվելով հրետանու համազարկից չի լքել մարտի դաշտը և մինչև ծայրահեղ ծանր վիճակին հասնելը մնացել է ընկերների հետ օգնելով հակահարված տալ թշնամուն: Յուրան, հրամանատարի զոհվելուց հետո ընկերների հետ բաց դաշտում շարունակում է մարտնչել թշնամու հետ, սակայն վերջինիս հարվածից ստանալով ծանր վնասվածքներ, պատսպարվում է լքված զորամասում:

Սակայն թշնամու հրետանին հարվածում է շենքին և տղաները մնում են փլատակների տակ...և միայն մի քանիսին են կարողանում օրեր անց դուրս բերել փլատակների տակից, որոնց շարքում էր նաև Յուրան։

Փառք ու Պատիվ մեր քաջորդիներին։

Շնորհակալ ենք