Չեխիայի ֆուտբոլի ֆեդերացիան պաշտոնական կայքում հանդես է եկել հայտարարությամբ այն մասին, որ չեխ լեգենդար հարձակվող Յոզեֆ Բիցանն իր կարիերայի ընթացքում ավելի քան 759 գոլ է խփել։ Ֆեդերացիայի հաղորդագրության մեջ նշվում է, որ Բիցանը 528 խաղում խփել է 821 գոլ։ Այդ կերպ, ֆեդերացիան պնդում է, որ «Յուվենտուսի» հարձակվող Կրիշտիանու Ռոնալդուն նոր-նոր է մոտենում Բիցանի ռեկորդին։

Հիշեցնենք, որ Իտալիայի սուպերգավաթի երեկ կայացած խաղում Ռոնալդուն պաշտոնական խաղերում խփեց իր 760-րդ գոլը՝ դառնալով ֆուտբոլի պատմության լավագույն ռմբարկուն։