Bring & Trailer աճուրդի տունը հայտարարել է BMW M1-ը վաճառելու մասին, որը պատկանել է «Ֆորսաժի» աստղ Փոլ Ուոքերին, գրում է Մոտոր-ը:

Երկդռնանի ավտոմեքենան հիանալի պահպանվել է, չէ որ բոլոր սեփականատերերը վերաբերվել են ավտոմեքենային՝ որպես հավաքածուի մեջ արժեքի, եւ վազքը չի գերազանցում 6800 կիլոմետրը: Աճուրդը կավարտվի ութ օր անց:

BMW M1-ը հազվադեպ եւ արտասովոր մեքենա է ինքնին՝ չէ որ 1978-1981 թվականների ընթացքում թողարկվել է դրա ընդամենը 453 նմուշ:

Երկդռնանի մեքենայի տարբերակիչ առանձնահատկություններն են մրցավազքի հնարավորությունը, BMW Motorsport ֆիրմային լիվրեյը, BBS տարբեր լայնության եռակոմպոնենտ անվահեծերը, հատուկ արտանետման համակարգն ու 280-354 ձիաուժ 6-ցիլինդրանի ինժեկտորային 3.5-լիտրանոց BMW M88/1 շարժիչը:

Սուպերքարի ինտերիերը պահպանել է իր սկզբնական տեսքը. նստատեղերը կաշվից են, ունի օդորակիչ եւ կասետային մագնիտոֆոն: Դերասան Փոլ Ուոքերը եղել է BMW M1-ի սեփականատերը 2010-ականների սկզբին, իսկ ներկայիս սեփականատերը ձեռք է բերել մեքենան 2014 թվականին:

Երբ դեռ աճուրդի ավարտին մնացել է ութ օր, BMW M1-ի համար առաջարկում են 390 հազար դոլար, եւ դա վերջնական գինը չէ. այդպիսի մեքենաների դիմաց հաջողվել է ստանալ ընդհուպ մինչեւ մեկ միլիոն դոլար: