Իրանի ԱԳ նախարարն այսօր Բաքվում հայտարարել է, որ իրենք ուրախ են, որ Ադրբեջանն ազատագրել է իր տարածքները...

Մենք, իհարկե, բարեկամ Իրանի ԱԳ նախարարից «նեղանալու» իրավունք չունենք, սակայն ինձ պարզապես հետաքրքիր է՝ Հայաստանի Հանրապետության արտաքին քաղաքականության համար պատասխանատու անձը՝ երկրի ղեկավարը, գո՞հ է իր վարած հարևանային քաղաքականությունից, որի դառը պտուղները բոլորս ենք քաղում: 
Այդպես էլ չիմացանք, ու՞մ հանճարեղ խորհրդին հետևելով էին Իսրայելում դեսպանատուն բացում,որը դիվանագիտական գործունեություն չէր ծավալելու, և որտեղ այսօր դեսպանի հետկանչից հետո, որպես այդպիսին, անձնակազմ էլ չկա:
Սրա ՞ թիվ մեկ պատասխանատուն, բայց ոչ երբեք թիվ մեկ մեղավորն ո՞վ է:
Ի դեպ, տեսնես թիվ մեկ պատասխանատուները տեղյա՞կ են, որ Վրաստանի Մառնեուլի քաղաքի ադրբեջանցիները երեկ քարերով հարվածել են ՀՀ համարանիշներով բեռնատար մեքենաներին: Ավելորդ է չէ՞ ասել, որ սույն սադրանքին պետք է անմիջապես հետևեր պետական իրավասու կառույցների արձագանքը՝ ամենաբարձր մակարդակով, որպեսզի հայ վարորդը իր թիկունքում կանգնած պետություն զգար, իսկ Վրաստանի ադրբեջանցի քաղաքացու մոտ անպատժելիության միֆը իսպառ վերանար:

Հուսանք՝ ապագայում ոչ միայն Իրանի, այլև մյուս  բարեկամ երկրների հետ հարաբերությունները կվերաարժևորվեն՝ կենտրոնում դնելով Հայաստանի Հանրապետության շահը-գրում է ԱԺ ԲՀԿ-ական պատգամավոր՝Շաքե Իսայանը։