Լեհաստանի նախագահ Անջեյ Դուդան հորդորել է ընդլայնել Ռուսաստանի նկատմամբ պատժամիջոցների կիրառումը և սահմանափակել «Գազպրոմ»-ի հնարավորությունները Եվրամիությունում սահմանափակել ԵՄ արտգործնախարարների հանդիպման նախօրեին, որտեղ նրանք կքննարկվեն նաև ռուս ընդդիմադիր գործիչ Ալեքսեյ Նավալնիի շուրջ ստեղծված իրավիճակի ֆոնին Ռուսաստանին ուղղված քայլերը:

Financial Times-ին տված հարցազրույցում Դուդան խստացված պատժամիջոցների մասին խոսակցությունները համարել է «միանգամայն արդարացված»՝ հաշվի առնելով այն փաստը, որ Ղրիմը «բռնակցվել» է Ռուսաստանին:

Ըստ Դուդայի՝ պատժամիջոցները միակ մեխանիզմն են՝ «առանց հրացանների, թնդանոթների և ռումբերի» Ռուսաստանին ստիպելու փոխել իր քաղաքականությունը։

Միևնույն ժամանակ, Լեհաստանի ղեկավարն առաջարկել է ճնշում գործադրել Ռուսաստանի վրա «Գազպրոմ»-ի միջոցով՝ սահմանափակելով ընկերության «տնտեսական գործունեության հնարավորությունը» ԵՄ տարածքում:

Նշենք՝ հունվարի 25-ին կանցկացվի Եվրամիության երկրների արտգործնախարարների հանդիպումը, որի ժամանակ նախատեսվում է քննարկել նաև հակառուսական հնարավոր նոր պատժամիջոցների թեման: