Իտալիայի վարչապետը մտադիր է հրաժարական տալ
Իտալիայի վարչապետ Ջուզեպե Կոնտեն հայտարարել է հրաժարական տալու մտադրության մասին, հայտնել են նրա մամուլի ծառայությունում:
Ավելի վաղ այս մասին հայտնել էր ANSA գործակալությունը ՝ վկայակոչելով կառավարության իրազեկ աղբյուրները։
Այս քայլը սպասվում է, քանի որ նախկին վարչապետ Մատեո Ռենցիի «Կենդանի Իտալիա» փոքր կուսակցությունից դուրս գալուց հետո իշխող կոալիցիան «5 աստղ» շարժման և Դեմոկրատական կուսակցության կազմում կորցրել է բացարձակ մեծամասնությունը խորհրդարանի վերին պալատում (Սենատում):
Ինչպես ենթադրվում է, հրաժարականը կարող է ձևական բնույթ կրել, քանի որ չի բացառվում, որ Կոնտեն նոր մանդատ և հնարավորություն ստանա ձևավորել կաբինետ, որն ավելի լայն աջակցություն կստանա խորհրդարանում:
