Մոսկվան բողոքի նոտա է հղել ԱՄՆ դեսպանատան ներկայացուցչին
Մոսկվայում ԱՄՆ դեսպանատան ներկայացուցչին հանձնվել է բողոքի նոտա՝ Ռուսաստանի վերաբերյալ կեղծիքների տարածելու կապակցությամբ: Այս մասին հայտարարել է ՌԴ ԱԳՆ մամուլի ծառայությունը:
«Մատնանշում ենք ամերիկյան թվային պլատֆորմների կողմից Ռուսաստանի վերաբերյալ կեղծ լուրերի լայնամասշտաբ տարածում, որոնք համակարգված կերպով տարածում են սադրիչ բովանդակություն, որն իր հերթին համակարգված կերպով տարածվում է Մոսկվայում ԱՄՆ դեսպանության կողմից»,- ասված է ՌԴ ԱԳՆ հայտարարության մեջ:
Նշվում է, որ հունվարի 27-ին ՌԴ ԱԳՆ կանչված ԱՄՆ դիվանագիտական ներկայացուցչության ներկայացուցչին «բողոքի նոտա է հանձնվել նախազգուշացումով, որ ռուսական կողմը իրեն իրավունք է վերապահում պատասխան քայլի»:
Ավելի վաղ ՌԴ ԱԳՆ-ն նշել էր, որ իրենք ԱՄՆ-ին բողոքի նոտա կուղարկեն ամերիկյան ինտերնետային ընկերությունների կողմից կեղծիքներ տարածելու պատճառով:
