Եթե կան մարդիկ, ովքեր եկել են զենքով, խնդրում ենք անհապաղ հեռանալ
Հանրապետության հրապարակում մեկնարկել է հայահավաքը, որի մասնակիցները պահանջում են Նիկոլ Փաշինյանի հրաժարականը:
Հավաքի մեկնարկին զգուշացվեց, որ տարածքում կարող են լինել սադրիչներ, կարող են լինել մարդիկ, ովքեր ինչ-որ բաներ կասեն, այդ դեպքում պետք է անմիջապես դիմել ոստիկանությանը: Դրա համար անհրաժեշտ է բոլորի աջակցությունը:
Զգուշացվեց, որ հավաքի կազմակերպիչների նշած քայլերից զատ քայլերի մասին արտահայտվողը համարվելու է սադրիչ. «Եթե կան մարդիկ, ովքեր եկել են պատահականության սկզբունքով կամ դիտավորությամբ ինչ-որ զենք զինամթերքով, ես խնդրում եմ անհապաղ հեռանալ, որովհետև միևնույնն է բացահայտելու ենք ու հանձնելու ենք ոստիկանությանը»,-ասաց հավաքի կազմակերպիչներից մեկը:
