ՍԴ աշխատակազմի նախկին ղեկավար Էդգար Ղազարյանը երեկ բերման ենթարկվելուց հետո գործով վկայի կարգավիճակ է ստացել, վկայի կարգավիճակում նա հարցաքննվել է: Այս մասին այսօր  Tert.am-ը տեղեկացավ փաստաբան Արմեն Գալստյանից:

Հիշեցնենք, որ երեկ Հանրապետության հրապարակի տարածքից Էդգար Ղազարյանը բերման է ենթարկվել ՝ Քրեական օրենսգրքի 219 հոդվածով արարք կատարելու՝ շենքեր, շինություններ, տրանսպորտի, հաղորդակցության կամ կապի միջոցներ զավթելու կասկածանքով:

«Ղազարյանին հայտնել են, որ հարցաքննվելու է, սակայն կասկածներ ունեն, որ մասնակցել է  համապատասխան քրեական գործով հարուցված գործողություններին: Պարոն Ղազարյանի ցուցմունքների մասով որևէ բան չեմ բացահայտում»,-ասաց փաստաբանը:

Հիշեցնենք, որ երեկ Նիկոլ Փաշինյանի հրաժարականի պահանջով քաղաքացիները Կառավարության դիմաց էին, ոստիկանները մի քանիսին բերման էին ենթարկել: