Զինվորական բժիշկներն ավարտել են Լեռնային Ղարաբաղում տեղակայված Ռուսաստանի խաղաղապահ զորակազմի անձնակազմի պատվաստումը Гам-КОВИД-Вак (Սպուտնիկ V) պատվաստանյութի առաջին բաղադրիչով: Այս մասին հաղորդում է ՌԴ պաշտպանության նախարարությունը։

«Համապատասխան ժամանակացույցի՝ պատվաստվել է ավելի քան 1900 ռուս զինծառայող: Պատվաստումն իրականացվել է կամավոր հիմունքներով ինչպես շարժական դաշտային հոսպիտալում, այնպես էլ դիտակետեր այցելող բժշկական խմբերի կողմից», – նշված է հաղորդագրությունում։

Գերատեսչությունը հավելում է, որ պատվաստանյութը դիտակետեր է հասցվում հատուկ ջերմային տարաների մեջ, ինչը երաշխավորում է դրա անվտանգությունը տեղափոխման ընթացքում: Զինվորականների պատվաստումը երկրորդ բաղադրիչով նախատեսվում է ավարտել մինչև փետրվարի 28-ը: