«Միլանի» հարձակվող Զլատան Իբրահիմովիչն ու «Ինտերի» հարձակվող Ռոմելու Լուկակուն որակազրկվել են մեկական խաղով։ Հնարավոր է՝ դաշնային դատախազը պահանջի հետաքննություն սկսել ֆուտբոլիստների վարքում խտրականության փաստով։

Հիշեցնենք, Իտալիայի գավաթի խաղարկության քառորդ եզրափակչի խաղում Իբրահիմովիչի և «Ինտերի» սևամորթ հարձակվող Լուկակուի միջև միջադեպ էր գրանցվել: Իտալական լրատվամիջոցները Իբրահիմովիչի շուրթերի շարժումից ենթադրել էին, որ նա Լուկակուին ասել էր․ «Գնա, զբաղվիր քո վուդու-հիմարություններով, փոքր ավանակ»:

«Զլատանի աշխարհում տեղ չկա ռասիզմին։ Բոլորս նույն ռասայի ներկայացուցիչ ենք, բոլորս հավասար ենք, բոլորս ֆուտբոլիստ ենք։ Ոմանք ավելի լավն են, քան մյուսները»,- Թվիթերում գրել էր Իբրահիմովիչը՝ մեկնաբանելով այդ ենթադրությունները։

Առաջին խաղակեսի ավարտից հետո Լուկակուի հետ վիճաբանության հետևանքով Իբրահիմովիչը ստացել էր դեղին քարտ, իսկ երկրորդ խաղակեսում հեռացվել էր երկրորդ դեղին քարտի համար։