Սիրիացի վարձկանն` Արցախում` Ադրբեջանի դրոշի ֆոնին (լուսանկար)
Ամերիկացի հետաքննող լրագրող Լինդսի Սնելը Twitter-ի իր միկրոբլոգում հրապարակել է սիրիացի վարձկան Հոսսամ Դիբի` Արցախում արված լուսանկարները, որոնցից մեկում երևում է նաև Ադրբեջանի դրոշը:
Լրագրողը նշել է, որ Հոսսամ Դիբն առաջնորդում է Աֆրինում գտնվող «Սուլթան Մուրադ» թուրքամետ ահաբեկչական խմբավորումը:
«Մինչ Թուրքիայի կողմից հովանավորվող խմբավորմանը միանալը, Հոսսամ Դիբան անդամակցում էր «Ալ-Քաիդա» շարժման «Ջաբհաթ Ֆաթհ աշ-Շամ» խմբավորմանը»,- գրել է Սնելը:
Վերջինիս խոսքով` Հոսսամ Դիբը Թուրքիայի կողմից Ադրբեջան ուղարկված սիրիացի վարձկաններից մեկն էր:
«Նշենք, որ Թուրքիան և Ադրբեջանը մինչ այսօր հերքում են Արցախում վարձկանների առկայությունը»,- գրել է Սնելը` նշելով, որ լուսանկարներն արված են պատերազմի օրերին:
