Գլխավոր խնդիրը, որ այսօր մեզ համար պետք է լինի առաջնային օրակարգում, Արցախի կարգավիճակի հարցն է, որն ուղիղ առնչվում է Արցախի և Հայաստանի անվտանգությանը: Այս մասին Tert.am-ի հետ զրույցում ասաց «Հենակետ» վերլուծական կենտրոն ՀԿ ղեկավար Տիգրան Աբրահամյանը:

«Երկրորդ՝ Արցախում անվտնագության լրացուցիչ երաշխիքների ստեղծումը, անվտանգության ամրապնդումը, ինչը հնարավորություն կտա ապահովելու Արցախի մեր հայրենակիցների բնականոն կյանքն ու գոործունությունը Արցախում: Երրորդը Հայաստանի սահմաններին առկա անվտանգային խնդիրներն են՝ հաշվի առնելով այն հանգամանքը, որ Թուրքիան և Ադրբեջանը շարունակում են իրենց օրակարգում պահել Սյունիքի հարցը՝ որպես իրենց պատմական տարածք, և այս պայմաններում դա ուղիղ մարտահրավեր է ՀՀ տարածքային ամբողջականությանը»,-շարունակեց նա:

Անդրադառնալով Սյունիքում սահմանազատման աշխատանքներին՝ Աբրահամյանը տեսակետ հայտնեց, որ Ադրբեջանն օգտագործում է ՀՀ իշխանությունների անկարողությունը, անգործությունը և ստանում իր համար առավելագույնը: Նա ընդգծեց՝ ՀՀ իշխանութունն ասում է՝ դեռևս Ադրբեջանի հետ դեմարկացիայի հետ գործընթացը չի իրականացվել, իսկ դա, ըստ Աբրահամյանի, շատ ավելի մեծ խնդիրներ է առաջացնում, որովհետև, եթե այդ գործընթացը դեռևս չի եղել, ապա ինչո՞ւ են, օրինակ, Որոտանում, Շուռնուխում մարդիկ իրենց տներից դուրս հանվում:

Մանրամասները՝ Tert.am-ի տեսանյութում: