Ղրղզստանի նախագահի մամլո ծառայության ղեկավար Նուրգազի Անարկուլովը ձերբակալվել է կաշառք կորզելու համար։ Այս մասին հայտնում է TASS-ը՝ հղում անելով Ազգային անվտանգության պետական կոմիտեին։

Չարաշահելով պաշտոնեական դիրքն ու հետապնդելով հարստացման նպատակներ՝ ձերբակալվածն առանձնապես խոշոր չափերի դրամական միջոցներ է շորթել պետական ղեկավար պաշտոններից մեկի հավակնորդից՝ նշանակման հարցի դրական լուծման համար։
Ձերբակալությունը կատարվել է պետական իշխանության մարմիններում կոռուպցիոն հանցագործությունների հայտնաբերմանն ու կանխմանն ուղղված աշխատանքների շրջանակում։

Գործով նախաքննական վարույթ է սկսվել։
Անարկուլովը նախագահի մամուլի ծառայության ղեկավարի պաշտոնում նշանակվել էր անցած տարվա աշնանը։