«Միլանի» հարձակվող Զլատան Իբրահիմովիչն ու «Ինտերի» հարձակվող Ռոմելու Լուկակուն որակազրկվել են Իտալիայի գավաթի խաղարկության մեկական խաղով: Այս մասին հաղորդում է Football-Italia-ն:

Հունվարի 26-ին Սան Սիրոյում կայացած Իտալիայի գավաթի խաղարկության քառորդ եզրափակչում՝ միլանյան դերբիի ընթացքում վիճաբանություն տեղի ունեցավ Իբրահիմովիչի և Լուկակուի միջև:

Ֆուտբոլիստները դեղին քարտ ստացան, իսկ երկրորդ խաղակեսում Զլատանը վաստակեց երկրորդ դեղինը և հեռացվեց խաղադաշտից: