Ալիևն ու Պուտինը քննարկել են Աղդամում ռուս-թուրքական դիտորդական կենտրոնի աշխատանքի հարցերը
Ադրբեջանի և Ռուսաստանի նախագահներ Իլհամ Ալիևը և Վլադիմիր Պուտինը շաբաթ օրը կայացած հեռախոսազրույցի ընթացքում քննարկել են Լեռնային Ղարաբաղում հրադադարի ռեժիմի վերահսկման ւ ռուս-թուրքական համատեղ կենտրոնի աշխատանքներին առնչվող հարցերը: Հաղորդում է ՏԱՍՍ գործակալությունը։
«Երկու երկրների ղեկավարները շեշտել են, որ դիտարկման կենտրոնը ծառայելու է տարածաշրջանում կայուն խաղաղության և կայունության ապահովմանը», – ասված է հայտարարությունում։
Հիշեցնենք, Աղդամի շրջանի Քիյամադդինլի բնակավայրի մոտակայքում բացվել է հակամարտության գոտում հրադադարի ռեժիմի և բոլոր ռազմական գործողությունների վերահսկման ռուս-թուրքական համատեղ կենտրոնը:
Դրա ստեղծման մասին հուշագիրը ստորագրվել է նոյեմբերի 11-ին ՝ Ռուսաստանի պաշտպանության նախարար Սերգեյ Շոյգուի և նրա թուրք գործընկեր Հուլուսի Աքարի բանակցությունների արդյունքում:
