Ռուսաստանի Անվտանգության խորհրդի փոխնախագահ Դմիտրի Մեդվեդևը Լեռնային Ղարաբաղում Մոսկվայի և Անկարայի համագործակցությունը երկարաժամկետ քաղաքականության տարր չի համարում:
Մեկնաբանելով Թուրքիայի դերը ղարաբաղյան հակամարտության հարցում՝ Մեդվեդևը նշել է, որ այդ երկիրը կարևոր գործընկեր է Ռուսաստանի համար, մոտ է Ադրբեջանին, և «այդ գործոնը հաշվի չառնել հնարավոր չէ»:
Մեդվեդևն անդրադարձել է նաև ռուս-թուրքական մոնիթորինգային կենտրոնի ստեղծմանը: «Ես դա չէի գնահատի որպես ինչ-որ երկարաժամկետ քաղաքականության տարր։ Պարզապես մենք պարտավոր ենք հաշվի առնել այն իրողությունները, որոնք առկա են մեր տարածաշրջանում»,- հայտարարել է Մեդվեդևը։