Ես հիմա էլ փաստեր չունեմ, որ հողերը վաճառվել են: Այս մասին լրագրողների հետ զրույցում հայտարարել է Էդմոն Մարուքյանը:

«Ես ասել եմ, որ չունեմ կասկած, որ կարող է լինել Հայաստանի իշխանություն, որն ազատագրված տարածքները վաճառի: Դրա համար այսօր քննություն իրականացնելու համար ես առաջարկում եմ պարիտետային հանձնաժողով ստեղծել, որը մերժվել է Սերժ Սարգսյանի ու Նիկոլ Փաշինյանի կողմից: Այսինքն, երկու կողմ կա, ովքեր շահագրգիռ չեն, որ քննենք ու տեսնենք, թե ինչ է տեղի ունեցել»,-ասել է նա:

Մարուքյանի խոսքերով, օրինակ ՀՅԴ-ն առաջարկում է դա օրենքով անել, ԲՀԿ-ն համաձայն է, ՄԵՆՔ դաշինքը համաձայն է. «Պարիտետային հանձնաժողովի ձևավորման տրամաբանությունը հետևյալն է՝ խորհրդարանական երեք ուժից 4-ական մարդ և խորհրդարան չանցած վերջին 3 ուժից 1-ական մարդ, ինչպես նաև ՄԻՊ-ը:

Երբ ունենք քննություն, որի ընթացքում կլինեն ապացույցներ, որ ինչ-որ մեկը վաճառել է ազատագրված հողերը, այդ ժամանակ այդ մարդը քրեական պատասխանատվության կենթարկվի որպես պետական դավաճան»: