Ես զարմացած եմ, մի՞թե Հայաստանում Ձեզ նման դատավոր չկա, կամ՝ ավելի ենթարկվող: Առհասարակ մենք ռիսկի ենք դիմում, երբ պահանջում ենք Ձեր ինքնաբացարկը: Այս մասին դատարանում հայտարարեց Յուրի Խաչատուրովը:

Խաչատուրովը, դիմելով դատավոր Աննա Դանիբեկյանին, հայտարարեց, որ նրանից տարիքով շատ մեծ է. «Ես Ձեզ խորհուրդ եմ տալիս, երբ գնանք խորհրդատվական սենյակ, հանեք դիմակը, նայեք հայելու մեջ ու հիշեք Էրիկ Ալեքսանյանի խոսքերը:

Նա ասաց, որ մենք միջնորդություն ենք ներկայացրել Ձեր նկատմամբ քրեական գործ հարուցելու համար»:

Խաչատուրովը դատավորին խորհուրդ տվեց նայել հայելու մեջ և խոստովանել, որ հանցագործություն է կատարվել, ինքը հանցագործն է, ինչը հստակ է, և ինքը դատում է Էրիկ Ալեքսանյանի պաշտպանյալին, արդյո՞ք ինքը կարող է օբյեկտիվ լինել. «Կարծում եմ, որ դա հնարավոր չէ, բայց հանկարծ կարող է լինել այնպես, որ Դուք որոշեք ինքնաբացարկ հայտնել:

Եթե դրանցից հետո դատախազությունը նեղանա Ձեզանից ու Ձեր նկատմամբ գործ հարուցվի, ես պատրաստ եմ խնդրել իմ պաշտպանին, որպեսզի պաշտպանի Ձեզ: Դուք երիտասարդ ու գեղեցիկ կին եք, մտածեք Ձեր ապագայի մասին, առողջ եղեք»,-ասաց Խաչատուրովը: