Արցախի պաշտպանության բանակը կազմալուծելով՝ վերջնականապես խաչ ենք քաշում Արցախի վրա, սա նշանակում է, որ մոտ ապագայում կարող ենք կորցնել նաև Հայաստանը, եթե մեր ժողովուրդը, աշխարհով սփռված հայությունը որոշում չկայացնի պարտադրել այսօրվա իշխանազավթ թուրքերին փախչել ՀՀ-ից: Այս մասին Tert.am 

-ի հետ զրույցում ասաց «Հայ ազգային ճակատ» ՀԿ հիմնադիր, ռազմական գործիչ Գևորգ Գևորգյանը՝ անդրադառնալով Սուրբ Աթոռում ՀՀ նախկին դեսպան Միքայել Մինասյանի հայտարարությանը, որ Նիկոլ Փաշինյանն ու Վաղարշակ Հարությունյանն արդեն տվել են իրենց համաձայնությունը և Արցախի պաշտպանության բանակն առաջիկայում կկազմալուծվի:

Ազատամարտիկի խոսքով՝ սա նշանակում է, որ Արցախի անվտանգության երաշխավոր հայկական զինված ուժերը՝ ՊՆ, ՊԲ, այլևս չեն լինի:

«Հաշվի առնենք նաև այն, որ Ռուսաստանը և Թուրքիան Արցախում արդեն ունեն համատեղ մոնիթորինգային կենտրոն, ինչի մասին հայը իր ամենավատ երազներում չէր կարող մտածել: Այս ամենը խոսում է այն մասին, որ մենք այլևս Արցախի անվտանգության երաշխավորը չենք: Հակառակ դեպքում նման գործընթացներ չէին կարող տեղի ունենալ»,- ասաց նա:

Գևորգ Գևորգյանի դիտարկմամբ՝ ապազգային իշխանությունը այսօր սպասարկում է ադրբեջանաթուրքական շահերը: «Գործ ունենք թուրքերի հպատակների, թուրքերի ծառաների հետ: Երբ բոլորը կհասկանան՝ կկարողանանք վերականգնել մեր արժանապատվությունը, կկարողանանք նորից տեղ կանգնել մեր սրբազան հողին»,- ասաց նա:

Ազատամարտիկը նշեց, որ որքան էլ այսօր Փաշինյանի դեմ պայքարողների վերաբերյալ ապատեղեկատվություն տարածեն, մարդիկ գիտեն, որ պայքարողները հող հանձնողներ չէին:

Գևորգ Գևորգյանն ասաց, որ երբ խոսում են ապստամբելու մասին, նկատի չունեն զինված պայքարը:

Մանրամասները՝ տեսանյութում։