Կարո՞ղ եք կռահել, թե ով է մտահոգված ՀՀ երկրորդ նախագահի` Ռուսաստան այցի թույլատրության հարցով: Ոչ էրդողանը, ոչ էլ Ալիևը, այլ Հայաստանի դատախազը: 
Այսօրվա դատական նիստում արձանագրվեց հետևյալ կուրյոզը: Մեղադրող դատախազը կարծես հռետորական հարցադրում է արել, թե ինչ հիմքով եք թույլատրում ՀՀ երկրորդ նախագահին մի քանի օրով դուրս գալ Հայաստանի տարածքից: Այն, որ այդ դատախազը վաղն ամբաստանյալ է լինելու, կասկած չկա, քանզի այս մարդիկ ներկայացնում են ոչ թե Հայաստանի, այլ Թուրքիայի և Ադրբեջանի շահերը: 
Արդեն հստակ կարելի է ասել, որ այն մարդիկ, ովքեր ծառայում են այս իշխանությանը, փաստացի ծառայում են օտար երկրների շահերին, և նրաց հանդեպ ներում, բեկում որևէ պարագայում չի լինելու: Եվ այսօրվա նրանց լկտիությունը հատուցվելու է ամբողջությամբ, քանզի 5000 զոհ տված ազգը թույլ չի տալու, որ իրեն այս աստիճանի նվաստացնեն մի քանի ստահակներ: