Ազգային ժողովի մոտ քաղաքացիների ակցիան շարունակվում է: Քիչ առաջ այստեղից մի քաղաքացի բերման ենթարկվեց ոստիկանների հետ փոքրիկ բանավեճից հետո:

Ոստիկանները քաղաքացուց պահանջում էին ազատել ճանապարհի երթևեկելի հատվածը, սակայն վերջինս պնդում էր, որ չի խանգարում երթևեկությանը:

Մի քանի րոպե բանավեճից հետո քաղաքացուն բերման ենթարկեցին:

Հավելենք, որ այս պահին Ազգային ժողովի մոտ մեծ թվով ոստիկաններ կան: Նրանք ավելի շատ են, քան՝ ցուցարարները: