Մեր հայտնի, սիրելի դերասան Վիգենը (Ստեփանյան) չդիմացավ, մահացավ, դա նորից Նիկոլի ու Աննայի հանցավոր գործողության հետևանքով է: Իսրայել Հակոբկխոյանը սրտի կաթված ստացավ ու հրաշքով չմահացավ: Բայց դուք գիտե՞ք, թե քանի զոհված զինվորի ծնող է մահացել, քանիսն են խելագարվել: Ես հիմա անուններ չեմ ուզում տալ, բայց լրագրողնեին խնդրում եմ այս թեման ուշադրության կենտրոնում պահել: Այս մասին մամուլի ասուլիսի ժամանակ հայտարարեց Գեղամ Նազարյանը:

Նազարայնի խոսքերով, որքան մեր Նյուրնբերգը ձգվի, այնքան ծնողների շրջանում մահերն ու խելագարություններն ավելանալու են և եթե չլիներ մեր եկեղեցին, ամեն ինչ ավելի վատ կլիներ. «Նրանք, ովքեր տարիներ շարունակ վարկաբեկում էին մեր եկեղեցին, ասում էին, որ քահանաները հաց են ուտում… Մենք զոհված զինվորի ծնող ենք, մեզ հետ շփվելը հեշտ չէ, իսկ քահանաները հարյուրավոր տներ են մտնում»:

«Ես մի քանի օր առաջ զանգ եմ ստացել մեր հերոս տղաներից մեկի հորից՝ Խաչիկից՝ Նոր Կեսարիա գյուղից: Այնտեղ զոհերը շատ են: Նա ասաց, որ հավաքովում են, ուզում են գալ Երևան մի քանիսի գլուխը ջարդեն, էլ չեն դիմանում: Ես դրա համար եմ ասում, որ հասարակությունը, քաղաքական ուժերը հասկանան, եթե հարցը խաղաղ չլուծենք, իրավիճակը կարող է դուրս գալ վերահսկողությունից: Չի կարող լինել այնպես, որ կյանքն ուղղակի շարունակվի: Այո, շարունակելու ենք մեր կյանքը, բայց մեր տղերքի պատգամը կատարելով»-ասաց նա: