Իրանի նախագահ Հասան Ռոհանին բացառել է 2015 թվականին կնքված միջուկային գործարքին նոր անդամների ավելացման հավանականությունը՝ վստահեցնելով, որ միջուկային գործարքի դրույթներից և ոչ մեկը փոփոխության ենթակա չէ:

«Ոչ ոք չի ավելանա ԳՀՀԾ-ին: 4+1 ձևաչափը կարող է ևս մի անգամ դառնալ 5+1 (եթե ԱՄՆ-ն վերադառնա), սակայն ոչ մի այլ կողմ չի ավելանա, և ձևաչափը չի վերածվի 5+2-ի»,- ինչպես փոխանցում է Թանսիմը, այս մասին Ռոհանին ասել է՝ կոչ անելով կողմերին խուսափել անխոհեմ մեկնաբանություններից: