ԱՄՆ նախագահ Ջո Բայդենը Կենտրոնական հետախուզական վարչության տնօրենի պաշտոնում առաջադրել է Ուիլյամ Բերնսի թեկնածությունը, հայտնում է Սպիտակ տունը։

Թեկնածությունը պետք է ուսումնասիրի Սենատը։

Բերնսը Մոսկվայում ԱՄՆ դեսպան է աշխատել 2005-2008 թթ․։ Պետդեպում հասել է պետքարտուղարի տեղակալի պաշտոնին։ Արտաքին քաղաքական ծառայության շարքերից հեռացվել է 2014 թվականին՝ 33 տարվա դիվանագիտական կարիերայից հետո։ Ներկայում նա գլխավորում է Քարնեգի հիմնադրամը։