Պուտինը մտադիր չէ Մոսկվայում հանդիպել Բորելի հետ
Ռուսաստանի նախագահ Վլադիմիր Պուտինի ծրագրերի մեջ չի մտնում Եվրոմիության արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելի հետ հանդիպումը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Ո՛չ, Պուտինի հետ հանդիպում նախատեսված չէ։ Պարոն Բորելն արտգործնախարար Լավրովի զրուցակիցն է, և հենց նրա հետ են բանակցություններ վարվելու»,- հստակեցրել է Կրեմլի ներկայացուցիչը։
Մամուլի քարտուղարի խոսքով՝ Ռուսաստանը մեծ նշանակություն է տալիս Բորելի՝ Մոսկվա կատարած այցին, հատկապես այն պատճառով, որ ԵՄ-ի և ՌԴ-ի հարաբերությունները «սառեցված վիճակում են»:
Եվրոպական դիվանագիտության ղեկավար Բորելը Ռուսաստանի մայրաքաղաք կժամանի փետրվարի 4-ին և այնտեղ կմնա մինչև փետրվարի 6-ը:
